Lily

Дууг сонсож сууна. Он жилүүдийн тэртээх санаанд орж ирээд, түүнийг одоо ямар залуу болсон бол харах юмсан, нэг ангийнхан байсан өдрүүд ...

Тэр ингэж санаанд орж ирж байгаагүй юм шигээ, энэ дуу л тэнд намайг хүргээд өгчлөө. Өндөр, долгиотой хар үстэй, зураг авах дуртай тийм нэгэн байж билээ. Миний урд суудаг, тоглоод ч байгаамуу шоглоод ч байгаамуу заримдаа муудалцаад л ... Багш нар чиний нүд нуруун дээрээ гарциймуу гээл, ингэж байхаар хажууд нь суучаач гээл загнадаг байсан, Түүнийг.

Манайхаар ирээд шатан дээр яриал сууна. Хажуугийн айлын эгч аймаар хардаг байсан тээ. Хичээл тараад гэртээ ирээд удаагүй байтал чи залгаад л ... заримдаа би чамд дуулж өгий гээл, нээх хачин хоолойгоор орилоод ... дуулж байна гэхэд хаашаа ч юм бэ дээ, хэхэ. Аан бас намайг үнсэнэ гээл тэнэгтдэг байсныг чинь санахаар инээд хүрдийн. Ангиараа зааланд тоглосон өдөр хацар дээр үнсчээд нээх мангартаал үнсцээн гээл сургуулийн коридороор гүйснийг чинь ч санаж байна.

Чамтай авахуулсан төгсөх үеийн тэр зургаа үзмээр ... даанч энд алга. Цайвар өнгөтэй, биений хэлбэр дагасан урт даашинзтай мөнгөн сандаал хослуулж өмсөөд, жижигхээн үсээ загасан сүлжээгээр сүлжсэн байсан тэр өдөр. Чи миний араас тэвэрсэн зураг. Миний "хөрөнгө"-нд байдгиймаа, чамд байдаг болуу энэ зураг.

Хэлж байсан чинь үнэн байсан гэдгийг саяхан өөр хүнээс мэдлээ. Одоо чамайг нэг харахсан ямархан залуу болсон бол ... бид гоё найзууд байсан, тийм болохоор л би чиний хэлснийг тоглоом болгоол өнгөрөөдөг байсан байх. Тэр үед чиний хэлснээс илүү багаасаа мөрөөдсөн мэргэжлийнхээ сургуульд орохгүй бол амьдрал дуусах юм шиг хачин амьтан байжээ Би.